#خليك_إيجابي

اتعلم تبقى ايجابي

شير البوستات المفيدة وفيد بيها غيرك .. وقلل من البوستات التافهة

انتقد - ايجابياً - وامدح الناس اللى تستحق النقد واتكلم عنهم .. خلي الكل يعرفهم

دور عالشخصيات الايجابية وابتدي اقرالهم .. او اسمع لكلامهم

ممكن تتطور اكتر وتبقى ايجابي بعيداً عن الفيس كمان 

ابتدي خد مبادرات وجمع الناس حواليك في انكو تعملوها 

قول عالغلط عظم اول ما تلاقيه وامدح اللى عمل الصح عشان يعمله تاني

خد دايماً الخطوة الأولى وجرب حاجات مجربتهاش واتعلم حاجات جديدة

اتكلم دايماً عن المواقف الكويسة ... عن الناس الكويسة ... عن الخير 

الدنيا بتختلف تماماً حسب ما احنا بنشوفها ازاي

‫#‏خليك_إيجابي‬

‫#‏فيها_حاجة_حلوة‬

‫#‏الدنيا_لسه_بخير‬

موقع ملوش لازمة !

الفراغ أحياناً بيكون قاتل .. قاتل لدرجة إنك تعمل موقع كامل ملوش اي تلاتين لازمة :D

ده لينك موقع بيجيبلك شوية مواقع ملهاش اي لازمة

http://www.theuselessweb.com

من ضمن المواقع دي اخترتلكم كام موقع كدا

دول اكتر المواقع اللى ملهاش لازمة تسلية


http://www.nullingthevoid.com

ده ممكن تديه لطفل صغير يتسلى فيه

http://www.pointerpointer.com
ده بيشاورلك عالماوس في اي حتة حتسيب فيها مؤشر الماوس بتاعك

http://iloveyoulikeafatladylovesapples.com
دي بتاعت الساحرة الشريرة ... جربها بنفسك

http://www.haneke.net

ده بقى لهواة الالغاز والتعقيدات
انت حتتفرج بس .. بس حتتفرج كتير

ومواقع تانية غيرها كتير كدا

لو عندك رفاهية الفراغ .. افتح واتفرج