بينما أتعامل مع الكثير من العقليات والمستويات الفكرية المتفاوتة
وجدت للإيمان درجات ومراحل بين الناس
أو مفاهيماً مختلفة عن شكل الايمان بالله
وأقصد هنا بالايمان بالله اي حسن الظن بالله والرضا بقسمته
هل ممكن الايمان زيه زي اي حاجة ... الافراط منه غلط ؟!
تفكرت كثيراً في هؤلاء ... الذين جعلوا من ايمانهم بالله سبباً يدعوهم للتواكل
"احنا نحمدو ربنا عاللى عاطينا .. البركة في ربنا وفيكم .. اللى يجيبو ربنا كويس"
اه ربنا هو المانح وهو العاطي وهو المانع ايضاً
وهو من يقسم الارزاق ومفيش حد حيقدر ياخد من التاني رزق ربنا ليه
لكن هل ده سبب يخليني اقضي حياتي بس بدعي ربنا وبطلب منه ؟
يخليني اعيش في مستوى حقير لان ايماني بربنا كبير يرزقني بمستوى افضل ؟
يخليني حتى مجريش على لقمة العيال ويضيع شبابهم لان ربنا هو اللى جابهم وهو المتكفل برزقهم !!
هل الايمان عندنا بقى شماعة للتواكل ؟!!!
ساعات كنت بتفكر وبسرح ... لو لقدر الله ... الناس دول كانوا ملحدين
ومكنش بقى عندهم الشماعة اللى حيعلقوا عليها رزقهم
هل كانوا حيتحركوا وحيجروا ورا عيشهم ؟
#تساؤلات #شوية_مفاهيم
