الثورة
إن كان لاجل فكرة الاقصاء
فنحن لم نكف حتى عن تقبل بعضنا البعض لفترة قصيرة
إن كانت لاجل النفاق الاعلامي
فحتى من كانوا "ثوار الاعلام" ايام مبارك
اصبحوا "منافقين الثورة"
واتضح هذا جلياً مع تعاقب الحكام !
إن كانت لاجل الفساد الاخلاقي
فلست أجد اننا اصبحنا اقرب إلى الاخلاص من ذي قبل
ماهو التغيير الذي كنا ننشده في ثورة 25 يناير ؟
إن كان تغيير رأس النظام
فها نحن نجدد رئيسنا سنوياً في اصغر مدة رئاسية تعرفها اي دولة
وان كان لتغيير الحكومة
فأعتقد ان احصاء عدد حكومات مصر منذ ثورة عبدالناصر
اسهل من احصائها في الثلاثة اعوام الاخيرة
وقد كنا نظن ان تاريخنا سابقاً مليئاً بالاحداث والتغييرات
انا مش فاكر كنا عايزين نغير ايه ؟
يمكن تغيير الحزب الوطني ؟
او كنا عايزين نغير شعار القناة الاولى ؟
او نغير استايل الاغاني الوطنية شوية ؟
ولا يمكن كنا محتاجين نغير جو
اه .. محنا قبلها مكناش لاقيين حاجة جديدة
شوية افلام بقت مملة بتنتهي كلها بنفس السيناريو
نفس المناهج ونفس الدراسة من ايام حرب اكتوبر
مفهاش اي احداث جديدة
حتى الدوري المصري اللى كل سنة ياخده الاهلي ومفيش منافسة
قلنا نجرب بقى الحاجات اللى بنسمع عنها بره دي
شوية مظاهرات على شوية غاز
شوية احزاب سياسية على شوية فتي مصري
شوية مطاردات على شوية اعتصامات
اشي برلمنات على اشي تعديل دستور
اشي برلمنات على اشي تعديل دستور
وطلعنا فالتلفزيون وعملنا قنوات
وعملنا كم برامج توك شو وبرامج سياسية ساخرة
وشتمنا وسبينا وخونا وكفرنا
وشتمنا وسبينا وخونا وكفرنا
الحمدلله .. ادينا جربنا كل حاجة
عشنا اكبر تجربة سياسية اتعملت في اقصر مدة
عشنا اكبر تجربة سياسية اتعملت في اقصر مدة
عملنا تغييرات في سنة متعملتش ف دول تانية خلال سنة
مش عارف احنا عايزين ايه تاني
يعني قضينا اجازة متتقضاش
بس واضح اننا بنسوق فيها
المفروض بقى كفاية كدا
اللى كان جاي بيزيط ف البلد وفاهم بقى انها بتاعته يرجع يكمل بره البلد
اللى كان عاملي فيها سيدنا يوسف وجاي يمسكنا يلا ارجع للمعتقل تاني
واللى كان فاهم امن الدولة مشي وعاملي فيها راجل حزبي وشغال يفتي في الدستور
واللى كان فاهم امن الدولة مشي وعاملي فيها راجل حزبي وشغال يفتي في الدستور
يلا يا حبيبي اقعد في بيتك الاجازة خلصت
